एजेन्सी । वर्ष २०१८ मा रिलिज भएको कन्नड सुपरहिट फिल्म केजिएफः च्याप्टर-१ ले दर्शकमा गहिरो प्रभाव पारेको थियो ।
पहिलो च्याप्टरपछि थुप्रै दर्शकहरु च्याप्टर २ को पर्खाइमा बसिरहेका छन् ।
यसैबीच फिल्मले रिलिज डेट घोषणा गरिएको छ । फिल्म सन् २०२२ को अप्रिल १४ रिलिज हुनेछ । यशले ट्वीट गर्दै उक्त कुराको जानकारी दिएका हुन् ।
च्याप्टर- २ मा पनि यश र श्रीनिधी शेट्टी शीर्ष भूमिकामा देखिनेछन् । यस्तै फिल्ममा सञ्जय दत्त र रविना टण्डनको पनि प्रमुख भूमिका हुनेछ ।
संजय दत्त खलनायकको भूमिकामा देखिनेछन् ।
कन्नड भाषामा बनेको यो चलचित्र हिन्दी, तेलगू, तमिल र मलयालम लगायत थुप्रै भाषामा पनि रिलिज हुनेछ । फिल्ममा प्रशान्त नीलको निर्देशन रहेको छ ।
