एजेन्सी । इंग्लिस प्रिमियर लिग फुटबल अन्तर्गत चेल्सी पराजित भएको छ । मंगलबार राति सम्पन्न खेलमा चेल्सी साउथह्याम्प्टनसँग २–१ गोलले स्तब्ध बनेको हो ।
घरेलु मैदानमा साउथह्याम्प्टनलाई जित दिलाउन रोमियो लाभिया र एडम आम्र्सस्ट्रङले गोल गरे । चेल्सीका रहिम स्टर्लिङले एक गोल फर्काए ।
खेलको २३ औं मिनेटमा स्टर्लिङले गोल गर्दै चेल्सीलाई सुरुवाती अग्रता दिलाएका थिए । २८ औं मिनेटमा लाभियाले गोल गर्दै साउथह्याम्प्टनलाई १–१ को बराबरीमा ल्याए ।
यसैगरी पहिलो हाफको इन्जुरी समयमा आम्र्सस्ट्रङले गोल गर्दै साउथह्याम्प्टलाई २–१ को अग्रता बनाए । त्यसपछि दोस्रो हाफमा दुबै टिमबाट कुनै गोल हुन सकेन ।
जितसँगै साउथह्याम्प्टन ५ खेलबाट ७ अंकसहित अंकतालिकाको सातौं स्थानमा रहेको छ । समान खेल खेलेको चेल्सी सात अंककै साथ आठौं स्थानमा रहेको छ ।
