काठमाडौं । नेपाललाई बेलायत सरकारले १ लाख ३० हजार कोभिड–१९ विरुद्धको एस्ट्राजेनेका खोप दिएको छ ।
नेपालका लागि बेलायती राजदूत निकोला पोलिटले स्वास्थ्य राज्यमन्त्री उमेश श्रेष्ठलाई खोप हस्तान्तरण गर्नुभएको हो।
सहयोगका लागि श्रेष्ठले बेलायत सरकारप्रति हार्दिक आभार व्यक्त गर्नुभएको छ।
यसअघि जापानले कोभ्याक्स सुविधामार्फत करिब १६ लाख डोज एस्ट्राजेनेका खोप नेपाललाई दिएको थियो ।
