काठमाडौं । देशभर पछिल्लो २४ घण्टामा थप २९९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार चार हजार ३३७ जनामा गरिएको परीक्षणमा सो संख्यामा संक्रमण पुष्टि भएको हो ।
एक हजार ६७० पीसीआर परीक्षणमा १८० र दुई हजार ६६७ एन्टिजेन परीक्षणमा ११९ जनामा संक्रमण देखिएको मन्त्रालयले जनाएको छ ।
पछिल्लो २४ घण्टामा कोरोना संक्रमणमुक्त हुनेको संख्या ५७७ रहेको छ भने यसको संक्रमणका कारण पछिल्लो २४ घण्टामा दुई जनाको निधन भएको छ ।
हाल नेपालमा सक्रिय संक्रमितको संख्या चार हजार ६२५ पुगेको छ ।
