काठमाडौँ । नेपाली कांग्रेसका नेता प्रदीप गिरीको स्वास्थ्य अवस्था थप जटिल बनेको छ ।
उहाँ झण्डै एक महिनादेखि ललितपुरको नख्खुस्थित मेडिसिटी अस्पतालमा उपचाररत हुनुहुन्छ । उहाँलाई आईसीयूबाट बिहीबार भेन्टिलेटरमा सारिएको छ ।
उहाँलाई भेटेर फर्किनुभएका कांग्रेस नेता बिमलेन्द्र निधिले सामाजिक सञ्जाल ट्वीटरमा गिरीको स्वास्थ्य अवस्थाबारे जानकारी गराउँदै लेख्नुभएको छ, आदरणीय मेरा अग्रजभ्रातातुल्य मित्र,समाजवादी, गांधीवादी, विचारक,योद्धा, नेपाली काँग्रेसका नेता प्रदिप गिरि लाई मेडिसिटिमा दोस्रोपटक हेरेर बाटोमा फर्कदै छु। स्तब्ध र निरिह छु। ईश्वरीय चमत्कारको लागि प्रार्थना गर्दछु – सबैले प्रार्थना गरौं !!!
भारतको मुम्बईमा घाँटीको क्यान्सरको उपचार गराएर स्वदेश फर्किनुभएका नेता गिरी स्वास्थ्यमा समस्या भएपछि साउन दोस्रो साता मेडिसिटीमा भर्ना हुनुभएको थियो ।
आदरणीय मेरा अग्रजभ्रातातुल्य मित्र,समाजवादी, गांधीवादी, विचारक,योद्धा, नेपाली काँग्रेसका नेता प्रदिप गिरि लाई मेडिसिटिमा दोस्रोपटक हेरेर बाटोमा फर्कदै छु। स्तब्ध र निरिह छु। ईश्वरीय चमत्कारको लागि प्रार्थना गर्दछु – सबैले प्रार्थना गरौं !!!
— Bimalendra Nidhi (@BimalendraNidhi) August 19, 2022
