• १ असार २०८१, शनिबार
  •      Sat Jun 15 2024
  •   Unicode
Logo

नयाँ बानेश्वर क्षेत्रमा एमसीसीको विरोधमा प्रदर्शन



काठमाडौँ । अमेरिकी सहायता परियोजना एमसीसीको विरोधमा संसद् भवन रहेको नयाँ बानेश्वर क्षेत्रमा प्रदर्शन सुरु भएको छ । आज प्रतिनिधिसभामा एमसीसीबारे छलफल सुरु हुँदैछ । संसद् बैठक बसेका दिन दैनिक सत्तारुढ दल नेकपा माओवादी केन्द्र र नेकपा एकीकृत समाजवादीले आफ्ना भ्रातृ सङ्गठनहरुलाई सडकमा उतारेर विरोध प्रदर्शन गर्दै आएको छ ।

उनीहरुले प्रदर्शनलाई कडा बनाउने तयारी थालेको बुझिएको छ । यसबाहेक एमसीसीको विपक्षमा रहेका अन्य दलले पनि प्रर्दशन जारी राखेका छन् । सत्तागठबन्धनको सहमतिअनुसार नै सरकारले संसद्मा एमसीसी प्रस्ताव टेबल गरेको हो ।

यसैबीच गृहमन्त्री बालकृष्ण खाँणले सत्तारुढ दल नेकपा माओवादी केन्द्र र नेकपा एकीकृत समाजवादीका भ्रातृ सङ्गठनका नेताहरुलाई फोन गरी एमसीसीविरुद्धको प्रदर्शनलाई हिंसात्मक नबनाउन आग्रह गर्नुभएको छ । उहाँले प्रदर्शनबाट धेरै क्षति भएकाले शान्तिपूर्ण प्रदर्शन गर्न आग्रह गर्नुभएको थियो ।