काठमाडौं । नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल प्रचण्डले नेपाल समाजवादी पार्टीका अध्यक्ष डा. बाबुराम भट्टराईसँगको सहकार्यको ठूलो अर्थ रहेको बताएका छन् ।
मंगलबार माओवादीको केन्द्रीय कार्यालय पेरिसडाँडामा पूर्वसहकर्मी डा. भट्टराईसँगको भेटपछि सो कुरा बताएका हुन् ।
प्रचण्डले सञ्चारकर्मीहरुसँग भने, ‘वामपन्थी आन्दोलनमा बाबुराम र प्रचण्ड सँगै उभिने कुराले ठूलो अर्थ र महत्व राख्छ, हामी उभियौं अब कसैले रोकेर रोकिँदैन ।’
यस्तै, प्रचण्डले आज नै पार्टी एकता नभए पनि चुनावपछि एउटै केन्द्र बनाउने बताउँदै माधवकुमार नेपाल नेतृत्वको पार्टीसँग पनि एकताका लागि संयोजन समिति बनाउने तयारी भइरहेको जानकारी दिए ।
माओवादी र नेसपाबीच ४ मंसिरको निर्वाचनमा माओवादी केन्द्रकै चुनाव चिह्नमा प्रतिस्पर्धा गर्ने सहमति भएको छ ।
