काठमाडौं । राष्ट्रिय प्रजातन्त्र पार्टी (राप्रपा)का किसान संगठनले किसानका समस्यालाई लिएर देशका विभिन्न जिल्लाका कृषि ज्ञान केन्द्रहरुमा प्रदर्शन सहित धर्ना दिएको छ ।
राप्रपाको दोश्रो चरणको आन्दोलनको अन्तिम कार्यक्रमको रुपमा किसान संगठनले धर्ना दिएको हो ।
असार १ गते विभिन्न २२ सुत्रीय माग राखी प्रधानमन्त्रीलाई ज्ञापनपत्र बुझाएको राप्रपाले आफ्ना माग पूरा गराउन दबाब दिने उद्देश्यले असार १३ देखि ३१ सम्म पहिलो चरणको र साउन ११ देखि ३१ गतेसम्म दोश्रो चरणको संघर्षको विभिन्न कार्यक्रम सफलतापूर्वक सम्पन्न गरेको सो पार्टीका प्रवक्ता मोहन श्रेष्ठले जानकारी दिए ।
यस्तै, छिट्टै तेस्रो चरणको संघर्षको कार्यक्रम सार्वजनिक गरिने उहाँले बताउनुभयो ।
