लण्डन । इंग्लिस प्रिमियर लिग फुटबल अन्तर्ग चेल्सी र टोटेनहमले बराबरी खेलेका छन् । आइतबार राति भएको लण्डन डर्बीमा दुबै टिमले २–२ गोलको बराबरी खेल्दै अंक बाँडेका हुन् ।
खेलको १९ औं मिनेटमा कालीडोउ कोउलीबालीले गोल गर्दै घरेलु मैदानमा चेल्सीलाई सुरुवाती अग्रता दिलाएका थिए । ६८ औं मिनेटमा पिएरे एमील हज्व्जर्गले गोल गर्दै टोटेनहमलाई १–१ बराबरीको अवस्थामा ल्याए ।
७७ औं मिनेटमा रिकी जेम्सले गोल गर्दै चेल्सीलाई २–१ को अग्रता दिलाए । खेल सकिनै लाग्दा इन्जुरी समयमा ह्यारी केनले गोल गर्दै टोटेनहमलाई हारबाट जोगाए ।
खेलमा दुवै टोलीका प्रशिक्षकबीच टेक्निकल बक्समा भनाभन हुँदा तनावको स्थिति सिर्जना भएको थियो । रेफ्रीले दुवैलाई पहेंलो कार्ड समेत देखाएका थिए ।
यस्तै, खेल सकिएपछि हात मिलाउने क्रममा दुई प्रशिक्षकबीच पुनः भनाभन हुँदा मैदानमा तनावपूर्ण स्थिति बनेको थियो । दुवै टोलीका खेलाडी र अफिसियल समेत भनाभनमा जोडीन पुगेपछि अन्त्यमा रेफ्रीले दुवै प्रशिक्षकलाई रातो कार्ड देखाउन पुगे ।
यस बराबरीसँगै दुई खेलबाट ४ अंक जोडेको टोटेनहम तालिकाको चौंथो स्थानमा रहेको छ । समान अंकसाथ चेल्सी सातौं स्थानमा छ ।
