काठमाडौं । आगामी नोभेम्बर–डिसेम्बरमा कतारमा हुन गइरहेको फिफा विश्वकप फुटबल एक दिन अघि सारिएको छ ।
यसअघि नोभेम्बर २१ देखि विश्वकप सुरु हुने तालिका रहेको थियो । तर, अब एक दिन अघि अर्थात नोभेम्बर २० मै विश्वकप सुरु हुने भएको हो । जसमा आयोजक कतारले इक्वेडरसँग उद्घाटन खेल खेल्नेछ ।
यसअघिको तालिका अनुसार कतार र इक्वेडरबीचको खेल नोभेम्बर २१ मा तेस्रो खेलको रुपमा थियो । जसले गर्दा नेदरल्याण्ड्स र सेनेगलबीचको खेल विश्वकपको पहिलो खेल हुने तय थियो ।
