काठमाडौँ । नेकपा (माओवादी केन्द्र) का अध्यक्ष पुष्पकमल दाहाल प्रचण्ड र जापानको सत्तारुढ दल लिबरल डेमोक्रेटिक पार्टीका वरिष्ठ नेता तोसिहिरो निक्कईबीच भेटवार्ता भएको छ । पाँच दिनको जापान भ्रमणमा रहनुभएका अध्यक्ष प्रचण्डले मंगलबार पूर्वअर्थ, व्यापार तथा उद्योगमन्त्रीसमेत रहेका जापानी नेता निक्कईसँग भेटवार्ता गर्नुभएको हो ।
अध्यक्ष प्रचण्डको फेसबुक पेजमा जारी सूचनाअनुसार भेटका क्रममा दुई मुलुकबीच आपसी सम्बन्धलाई अझ सुदृढ बनाउन उच्च तहका भ्रमणहरुको आदानप्रदानबारे छलफल भएको थियो । नेपालको कृषि, पर्यटन, जलविद्युत्लगायत क्षेत्रमा जापानले दिँदै आएको सहयोगलाई वृद्धि गर्ने सम्बन्धमा पनि छलफल भएको जनाइएको छ ।
