काठमाडौं । सत्तारुढ दल नेपाली कांग्रेसको संस्थापन इतर समूह सभापतिको साझा उम्मेदवार तय गर्न आन्तरिक छलफल थाल्ने भएको छ ।
साझा उम्मेदवार तय गर्ने बारेको छलफलका लागि संस्थापन इतर समूहका नेताहरु वरिष्ठ नेता रामचन्द्र पौडेलको निवासमा भेला हुन लागेका हुन् । पौडेलले आफ्नै निवासमा मंगलबार दिउँसो १ बजेका लागि बैठक बोलाएका हुन् ।
आउँदो महाधिवेशनमा शेरबहादुर देउवाविरुद्ध साझा उम्मेदवार चयन गर्नु पर्ने दबाबमा संस्थापन इतर समूह छ ।
सभापतिको उम्मेदवारका लागि रामचन्द्र पौडेलसहित शशांक कोइराला, शेखर कोइराला, प्रकाशमान सिंहसहितका नेताहरु आकांक्षी छन् ।
