काठमाडौँ । परराष्ट्रमन्त्री डा नारायण खड्का आज चीनको भ्रमण जाँदै हुनुहुन्छ । आफ्ना चिनियाँ समकक्षी वाङ यीको निमन्त्रणमा मन्त्री खड्का तीन दिने भ्रमणमा जान लाग्नु भएको हो ।
मन्त्री खड्का र चिनियाँ समकक्षी वाङ बीच चीनको छिङदाओमा साउन २५ गते भेटगर्ने कार्यक्रम रहेको छ ।वाङ यी मंगोलियमा र बंगलादेशको भ्रमणपछि सात दिने क्वारेन्टाईन बस्न छिङदाओमा पुग्ने र सो क्वारेन्टाइन स्थलमै उनीहरुबीच भेटवार्ता हुन लागेको हो ।
भेटमा सहभागी हुन बेईजिङ्गबाट छिङदाओमा जान लागेका चीनका लागि नेपाली राजदूत बिष्णुपुकार श्रेष्ठ पनि भेटवार्ता पछि फर्केर क्वारेन्टाईनमा बस्नु पर्ने भएको छ ।
सोही स्थानमै स्टेट काउन्सिलर तथा विदेश मन्त्री वाङ यीले परराष्ट्रमन्त्री डा खड्काको सम्मानमा रात्रिभोजको आयोजना गर्नेछन् । मन्त्री खड्का र प्रतिनिधिमण्डलका सदस्यहरु साउन २६ गते स्वदेश फर्कने कार्यक्रम छ ।
