• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला

भारतका मनोज प्रभाकर नेपाली क्रिकेट टिमको मुख्य प्रशिक्षक नियुक्त



काठमाडौं । छिमेकी राष्ट्र भारतका राष्ट्रिय टिमका पूर्व अलराउण्डर मनोज प्रभाकर नेपाली राष्ट्रिय क्रिकेट टिमको मुख्य प्रशिक्षक नियुक्त भएको नेपाल क्रिकेट संघ (क्यान) ले जनाएको छ ।

प्रभाकरले भारतका लागि ३९ टेष्ट र १३० एकदिवसीय अन्तर्राष्ट्रिय खेलि सकेका छन् ।

क्यानले प्रभाकरलाई एक वर्षका लागि मुख्य प्रशिक्षकमा अनुबन्ध गरिएको जनाएको छ । मनोज प्रभाकर केही दिन भित्रै नेपाल आउने र प्रशिक्षण सुरु गर्ने क्यानले जनाएको छ ।

स्कटल्याण्डमा आईसीसी क्रिकेट विश्वकप लिग टु खेलेर फर्केलगत्तै श्रीलंकाली प्रशिक्षक पुबुदु दासानायकेले पदबाट राजीनामा दिएका थिए । उनले नेपाल छाडेलगत्तै नेपाल प्रशिक्षकविहीन थियो ।

प्रभाकरले यसअघि अफगानिस्तान क्रिकेट टिमको प्रशिक्षकका रुपमा काम गरेका थिए । भारतमा रणजी ट्रफीमा दिल्ली, राजस्थान र युपी क्रिकेट एसोसिएसनको प्रशिक्षकका रुपमा प्रभाकरले काम गरिसकेको क्यानले बताएको छ ।

प्रशिक्षकमा नियुक्त भएपछि प्रभाकरले प्रतिक्रिया दिँदै नेपाली क्रिकेटमा काम गर्न उत्सुक रहेको बताएका छन् । ‘नेपालको क्रिकेटप्रतिको चासो, उनीहरूको प्रतिभा र सीपको स्तरलाई हेरेर, म नेपाली क्रिकेट टोलीलाई बलियो बनाउनको लागि काम गर्न साँच्चै उत्सुक छु’, उनले भनेका छन् ।

प्रभाकरले एक दशक भन्दा बढी समय भारतको राष्ट्रिय टिमका लागि खेलिसकेका छन् । सन् १९८४ डिसेम्बरमा इंग्ल्याण्ड विरुद्ध टेष्टमा डेब्यु गरेका प्रभाकरले १९९५ मा न्युजिल्याण्ड विरुद्ध अन्तिम टेष्ट खेलेका थिए । उनले १९८४ कै अप्रिलमा श्रीलंका विरुद्ध एकदिवसीय अन्तर्राष्ट्रियमा डेब्यु गरेका थिए ।

खासगरी, नेपाली क्रिकेटको बलिङको तुलनामा ब्याटिङ पक्ष कमजोर रहेकाले त्यसमा सुधार ल्याउनु पर्ने चुनाैती प्रभाकरमाथि छ । कतिपयले ब्याटिङ नै कमजोर रहेको अवस्थामा भारतीय बलरलाइ प्रशिक्षक नियुक्त गर्दा निकै जोखिम रहेको बताएका छन् ।

यद्यपी, उनले छिमेकी भारतीय क्लबहरूसँग नेपाली टिमलाइ खेलाउन सके ब्याटिङमा सुधार ल्याउन मद्दत पुग्ने अनुमान पनि केहीले गरेका छन् ।