काठमाडौं । देशभर पछिल्लो २४ घण्टामा थप ५५३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार तीन हजार ७८९ जनामा गरिएको परीक्षणमा सो संख्यामा संक्रमण पुष्टि भएको हो ।
दुई हजार ४० पीसीआर परीक्षणमा ४५१ र एक हजार ७४९ एन्टिजेन परीक्षणमा १०२ जनामा संक्रमण देखिएको मन्त्रालयले जनाएको छ ।
पछिल्लो २४ घण्टामा कोरोना संक्रमणमुक्त हुनेको संख्या ४३३ रहेको छ भने यसको संक्रमणका कारण पछिल्लो २४ घण्टामा कसैको मृत्यु भएको छैन ।
हाल नेपालमा सक्रिय संक्रमितको संख्या पाँच हजार ६५९ पुगेको छ ।
