काठमाडौँ । जनमत पार्टीका अध्यक्ष डा सिके राउतले लोकतान्त्रिक समाजवादी पार्टी (लोसपा) का अध्यक्ष महन्थ ठाकुर र जनता समाजवादी पार्टी (जसपा) का अध्यक्ष उपेन्द्र यादवसँग छुट्टाछुट्टै भेट गरेका छन् ।
डा राउतको सचिवालयका अनुसार दुवै भेटमा आसन्न प्रतिनिधिसभा निर्वाचनमा सहकार्य गर्नेबारेमा कुराकानी भएको थियो । डा राउतले आसन्न प्रतिनिधिसभाको निर्वाचनमा सप्तरी क्षेत्र नं २ बाट उम्मेदवारी दिने घोषणा गरेका छन् ।
सो निर्वाचन क्षेत्रबाट यसअघिको निर्वाचनमा जसपा अध्यक्ष यादव निर्वाचित भएका थिए । जनमत पार्टीले रेशम चौधरीको नागरिक उन्मुक्ति पार्टीसहित अन्य दलहरुसँग पनि निर्वाचनमा सहकार्यका लागि संवाद जारी राखेको बताइएको छ ।
