काठमाडौं । नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’ बीच भेटघाट भएको छ । केपी ओली सरकार बिस्तापित भएपछि ओली र दाहाल बीच पहिलो पटक वान टु वान वार्ता भएको हो ।
वार्तामा राजनीतिक गतिरोध , संसदमा टेवल भएको एमसीसी लगायतका बिषयमा छलफल हुने जनाईएको छ । प्रधानमन्त्री शेरबहादुर देउवा संग छलफल सकिए लगत्तै ओली लाई भेट्न दाहाल नेकपा एमाले संसदीय दलको कार्यलयमा पुग्नु भएको थियो ।
प्रधानमन्त्री शेरबहादुर देउवा संग सम्बन्ध बिग्रीन थालेपछि दाहालले ओली संग सम्पर्क बढाउनु भएको थियो । केही समय अघि एक टेलीभिजन अन्तरर्वाामा पनि दाहालले आफू बालकोट जान तयार रहेको बताउनु भएको थियो । हिजो मात्र ७१ औ जन्म दिन मनाउनु भएका ओलीलाई प्रचण्डले टेलिफोन गरी शुभकामना दिनु भएको थियो ।
