![](https://newspolar.com/wp-content/uploads/2022/03/bisho_praksh_shrama_jtpiGvkW4s.jpg)
काठमाडौ । नेपाली कांग्रेसका महामन्त्री विश्वप्रकाश शर्माले सत्ता साझेदार दलको रुपम रहेका नेकपा माओबादी केन्द्र र नेकपा समाजवादी लाई द्वेध चरित्र नदेखाउन आग्रह गर्नु भएको छ। विभिन्न राजनैतिक दलहरुको गठबन्धन तत्कालिन राजनैतिक निकास र संविधानको रक्षाको निम्ति बनेको भए पनि राज्यको आवश्यकता सँगै सम्वृद्धि बिकासको मुद्दामा पनि एक ठाउमा आउनुपर्ने बताउनु भयो।
बिहिबार साँझ न्युज एजेन्सी नेपाल सँग कुरा गर्दै महामन्त्री शर्माले सत्ता साझेदार भएर गठबन्धन बस्ने तर सरकारको प्रस्तावमा बिमति राख्ने विषय नसुहाउने बताउनु भयो। जनताको हीतको बिषयमा सत्ता पक्ष र बिपक्षी दल एक ठाउ आएर निकास निस्कन सक्ने वातावरण बन्ने अवस्थामा नेपाली कांग्रेसले गठबन्धन कुरेर नबस्ने पनि महामन्त्री शर्माले स्पष्ट पार्नु भयो।