काठमाडौं । देशभर पछिल्लो २४ घण्टामा थप ६३८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पाँच हजार ५५ परीक्षणमा सो संख्यामा संक्रमण पुष्टि भएको हो ।
दुई हजार २१५ पीसीआर परीक्षणमा ४०० र दुई हजार ८४० एन्टिजेन परीक्षणमा २३८ जना संक्रमण पुष्टि भएको मन्त्रालयले जनाएको छ ।
यस्तै, पछिल्लो २४ घण्टामा २१८ जना कोरोना भाइरसबाट संक्रमणमुक्त भएका छन् भने देशभर कोरोना भाइरसको सक्रिय संक्रमितको संख्या तीन हजार ७१४ पुगेको छ ।
पछिल्लो २४ घण्टामा कोरोना संक्रमणबाट दुई जनाको मृत्यु भएको छ ।
