• २३ असार २०७९, बिहीबार
  •      Thu Jul 7 2022
Logo

जङ्गबहादुर राणालाई राष्ट्रिय विभूति घोषणा गर्नुपर्ने एकीकृत शक्ति नेपालको माग



काठमाडौँ । श्री ३ महाराजाधिराज जङ्गबहादुर राणाले नेपालको इतिहासमा पुर्‍याएको योगदानको वास्तविक मूल्याङ्कन गर्दै उनलाई राष्ट्रिय विभूति घोषणा गर्नुपर्ने माग एकीकृत शक्ति नेपालले गरेको छ।

एकीकृत शक्ति नेपालका संयोजक देवप्रकाश त्रिपाठीले जङ्गबहादुर राणाले राष्ट्रका निम्ति पुर्‍याउनुभएको योगदानबारे उहाँको २०६ औँ जन्मजयन्तीका अवसरमा प्रज्ञा भवन कमलादीमा एक अन्तरक्रियात्मक प्रवचन कार्यक्रमको आयोजना गरिएको जानकारी दिनुभयो ।

उहाँका अनुसार नेपाल प्रज्ञा प्रतिष्ठानका उपकुलपति डा जगमान गुरुङ, डा रमेश ढुङ्गेल र प्रा डा त्रिरत्न मानन्धरले कार्यक्रममा सहभागिता जनाएर आफ्ना अमूल्य विचार सम्प्रेषण गर्नुभएको थियो ।

कार्यक्रम सफल बनाउन विशेष सहयोग पुर्‍याउनुहुने पार्टीका उपाध्यक्षलगायत भ्रातृ संघसंस्थाका प्रतिनिधिहरुलाई उहाँले धन्यवाद ज्ञापन गर्नुभएको छ ।