धनगढी । मूल्य वृद्धिको विरोधमा नेकपा (एमाले) का कार्यकर्ताहरुले धनगढीमा सरकारी गाडीहरुको चाबी खोसेका छन् ।
बुधबार बिहान एमाले निकट अनेरास्ववियु र राष्ट्रिय युवा संघ नेपालले बिहान १० बजेदेखि साँझ ५ बजेसम्मका लागि सरकारी गाडी चलाउन नदिन चाबी खोसेका हुन् ।
उनीहरुले मूल्य वृद्धिको विरोधमा जारी आन्दोलनका क्रममा आज सरकारी गाडी सञ्चालनमा अवरोध गरेका हुन् । आन्दोलनका क्रममा सरकारी गाडी चलाउनेहरुलाई ठाउँठाउँमा रोकेर एमाले कार्यकर्ताहरुले चाबी खोसिदिएका हुन् ।
साँझ ५ बजेपछि चाबी फिर्ता गरिदिने उनीहरुले बताएका छन् ।
