काठमाडौं । एमसीसीबारे निर्णय लिन नेकपा एकीकृत समाजवादीको स्थायी कमिटी बैठक बानेश्वरमा शुरु भएको छ ।सत्ता गठबन्धनले आजै संसद बाट अनुमोदन गर्ने निर्णय गरेपछि समाजबादीको स्थायी समिति बैठक बसेको हो ।
समाजवादीका अध्यक्ष माधब कुमार नेपालले गठबन्धनको बैठक आजको संसद स्थगित गर्न आग्रह गरेपनि प्रधानमन्त्री शेरबहादुर देउवाले अस्वीकार गर्नुभएको थियो । बैठक चल्दै गर्दा बालुवाटारबाट बाहिरिनु भएका नेपालले संञ्चारकर्मी संग भन्नुभयो व्याख्यात्मक टिप्पणीका सम्बन्धमा मैले पनि पार्टीबाट निर्णय गर्नुपर्छ आजलाई कुरौं भन्दा देउवाजी ले आज त छलफल जसैगरी सुरु गर्नुपर्छ भन्नुभयो, उहाँको कुरा सुन्दा ओलीजीसँग कमिटमेन्ट भइसके जस्तो लाग्यो, अनि म निस्किएँ ।
