काठमाडौं । प्रतिनिधिसभाको बैठक बस्दैछ ।आजको बैठकमा विनियोजन विधेयक, २०७९ अन्तर्गत विभिन्न मन्त्रालय र निकायका शीर्षकमाथि सांसदहरुले उठाएका प्रश्नहरुको मन्त्रीले जबाफ दिने कार्यसूची रहेको छ ।
हिजोको बैठकमा सासंदहरुले बोल्ने क्रम सकिएपछि आज बाट मन्त्रीहरुले जबाफ दिनेक्रम सुरु हुने भएको छ ।
आजको बैठकमा सहरी विकास मन्त्रालय, स्वास्थ्य तथा जनसङ्ख्या मन्त्रालय र राष्ट्रिय योजना आयोगको सचिवालय, प्रधानमन्त्री तथा मन्त्रिपरिषद्को कार्यालय, राष्ट्रपतिको कार्यालय एवं उपराष्ट्रपतिको कार्यालयको विनियोजन शीर्षकमाथिको छलफल सकिएपछि सम्बन्धित मन्त्रीहरुले जवाफ दिने क्रम सुरु हुने संसद सचिवालयले जनाएको छ ।
