• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति ★   दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा ★   पञ्चकोटमा रहेको गरुड शिला र पृष्ठभूमिका हिमशृङ्खला ★   अझै तीन दिन पानी पर्ने, आज चट्याङको सम्भावना ★   शुक्रबार सन्तोषी माता, वैभवलक्ष्मी र शुक्र भगवानको पूजा–आराधना गर्नुहोस्

लगानीकर्ताको नेप्से अगाडि धर्ना, प्रहरीको हस्तक्षेप



काठमाडौँ । शेयर बजारमा निरन्तर गिरावट आएपछि निराश लगानीकर्ताहरु नेपाल स्टक एक्सचेन्ज (नेप्से) को कार्यालय घेराउ गरेका छन् । पुँजीबजार सुधार र विस्तारका लागि सेयर लगानीकर्ताहरुले गठन गरेको संघर्ष समितिले नेप्से कार्यालय घेराउ गरेको हो ।

घेराउमा बसेका लगानीकर्ताहरुले शेयर बजारमा देखिएका समस्या तत्काल समाधान गर्नुपर्ने बताउँदै आएका छन् । लगानीकर्ताहरुमाथि प्रहरीले हस्तक्षेप गरेको छ । प्रहरीले अहिले केही लगानीकर्तालाई पक्रेर लगेको छ ।

संघर्ष समितिका संयोजक तिलक कोइरालाका अनुसार लगानीकर्ताले अघि सारेका १९ बुँदे मागप्रति सरकारले बेवास्ता गरेकोले प्रदर्शनमा उत्रिनुपरेको बताए।

लगानीकर्ताले १९ बुँदे माग अघि सार्दै २५ सदस्यीय संघर्ष समिति गठन गरेर आन्दोलन गरिरहेका छन्। लगानीकर्ताहरुले सोमबार नेपाल धितोपत्र बोर्डमा ज्ञापनपत्र बुझाउँदै लगानीकर्ताले उठाएका मागहरुबारे तत्काल निर्णय गर्न आग्रह गरेका थिए।

प्रधानमन्त्री शेरबहादुर देउवालाई भेटी लगानीकर्ताहरुले पूँजीबजारमा देखिएको समस्या समाधान गरिदिन आग्रह गरेका थिए । प्रधानमन्त्री देउवाले नेपाल राष्ट्र बैंकका गभर्नर महाप्रसाद अधिकारीलाई लगानीकर्ताहरुको समस्या समाधान गर्न पहल गर्न निर्देशन दिनुभएको थियो ।