भद्रपुर । स्थानीय तहको निर्वाचन सकिनासाथ झापामा राप्रपा प्रवेश गर्ने क्रम फेरि शुरु भएको छ ।
पार्टीको विविध कार्यक्रमको सिलसिलामा झापा पुगेका राप्रपा अध्यक्ष राजेन्द्र लिङ्देनले आफ्नो निर्वाचन क्षेत्र नं ३ तरूण दलको अध्यक्ष तथा उधोग बाणिज्य संघ झापाका वरिष्ठ उपाध्यक्ष खड्ग लिम्बू, तरूण दल भद्रपुर नगर सचिव तथा उद्योग बाणिज्य संघको बाणिज्य उपाध्यक्ष सन्तोष धमला, नेकाका क्षेत्रीय प्रतिनिधि दिलकुमारी राई लगायतलाई पार्टीको सदस्यता प्रदान गरि पार्टीमा प्रवेश गराउनु भएको छ ।
पार्टी प्रवेश कार्यक्रमलाई सम्बोधन गर्दै अध्यक्ष लिङ्देनले देशलाई बलियो राष्ट्रवादी शक्तिको आवश्यकता रहेको र राप्रपालाई जनताले खोजेको शक्ति बन्दै गएको बताउनु भएको छ ।
राप्रपा प्रवेश गर्ने कसैले पनि कहिल्यै पश्चाताप गर्नु नपर्ने र शीर झुकाउनु पर्ने अवस्था आउन नदिने समेत बताउनु भएको छ ।
