बिर्तामोड । झापाको बिर्तामोड नगरपालिकामा प्रमुख र उपप्रमुख दुवै पदमा नेकपा (एमाले) का उम्मेदवार निर्वाचित भएका छन् । प्रमुख पदमा पवित्रा महताराले नेपाली कांग्रेसका उम्मेदवार भोजराज सिटौलालाई तीन हजार ७५८ मतले पराजित गरिन् ।
महताराले १६ हजार ५२० मत ल्याउँदा पराजित सिटौलाले १२ हजार ७६२ मत हासिल गरे । झापा जिल्लामा नगरप्रमुख बन्ने पहिलो महिला बनेकी छन् । उनी अघिल्लो कार्यकालमा सो नगरपालिकाको उपप्रमुख थिइन् ।
उपप्रमुखमा एमालेकै नगेन्द्र संग्रौला १५ हजार ५८६ मतसहित निर्वाचित भए । उनका निकटतम प्रतिद्वन्द्वी नेकपा ९माओवादी केन्द्र० का उम्मेदवार चन्द्रप्रसाद कडरियाले आठ हजार ४५१ मत मात्र पाए ।
