सुनसरी । सुनसरी जिल्लाको कोशी गाउँपालिकामा नेपाली कांग्रेसका अयुब अन्सारी निर्वाचित भएका छन् । उनी छ हजार ४१६ मत हासिल गरी निर्वाचित भएका हुन् ।
उनका निकटतम प्रतिस्पर्धी जनता समाजवादी पार्टी (जसपा) का देवकृष्ण यादवले पाँच हजार २१७ मत प्राप्त गरे ।
यस्तै सो गाउँपालिकाको उपाध्यक्षमा पनि कांग्रेस विजयी भएको छ । कांग्रेसका उम्मेदवार अनितादेवी यादव पाँच हजार ३९९ मत ल्याई निर्वाचित भइन् । उनका निकटतम प्रतिद्वन्द्वी जसपाकी अणुदेवी खैरवारले चार हजार ७०८ मत प्राप्त गरिन् ।
