काठमाडौँ । काठमाडौँमा उपचाररत दीपकराज जोशीलाई भेट्न नेकपा ९एमाले० का नेता सुवास नेम्वाङ र श्रममन्त्री किसान श्रेष्ठले अस्पताल पुगेर भेट गरेका छन् । उनीसँग नेपाल प्रहरीका पूर्व आईजीपी सवेन्द्र खनालले समेत भेट गरेका छन् ।
तनहुँको व्यास नगरपालिकाका मेयर उम्मेदवार दीपकराज जोशीमाथि स्थानीय तहको निर्वाचनको दिन नेपाली कांग्रेसका वरिष्ठ नेता रामचन्द्र पौडेल निकट समूहले कुटपिट गरेको थियो । दीपकराज जोशी नेपाली कांग्रेसबाट साधारण सदस्यबाट समेत निष्काशित पार्टीका पूर्व सहमहामन्त्री गोविन्दराज जोशीका छोरा हुन् ।
दीपकराज जोशीले तनहुँको व्यास नगरमा मेयर पदमा नेपाली कांग्रेसबाट बागी उम्मेदवारी दिएका थिए । वरिष्ठ नेता पौडेलको गृह गाउँ रिस्तीमा मतदान केन्द्रमा गएका बेला पौडेल समूहका कांग्रेस कार्यकर्ताले जोशीमाथि आक्रमण गरेको थियो ।
