काठमाडौँ । राष्ट्रपति विद्यादेवी भण्डारीसमक्ष सरकारले आगामी जेठ ३ गते संघीय संसद्को अधिवेशन बोलाउन सिफारिस गरेको छ ।
आइतबार बसेको मन्त्रिपरिषद्को बैठकले जेठ ३ गते अपराह्न ४ बजे बैठक बस्ने गरी संघीय संसद्को अधिवेशन आह्वान गर्न राष्ट्रपतिसमक्ष सिफारिस गरेको हो ।
संविधानबमोजिम आगामी जेठ १५ गते सरकारले आगामी वर्षको आर्थिक वर्षको बजेट संसद्मार्फत सार्वजनिक गर्नुपर्ने छ । बजेट सार्वजनिक गर्नुअघि सरकारले बजेटबारे छलफल र नीति तथा कार्यक्रम प्रस्तुत गर्नुपर्ने परम्परा छ ।
सरकारको सिफारिसमा राष्ट्रपतिले संघीय संसद्को अधिवेशन बोलाउने कानूनी व्यवस्था रहेको छ ।
