काठमाडौं। राष्ट्रिय जनमोर्चाका अध्यक्ष चित्रबहादुर केसीले एमाले अध्यक्ष केपी ओलीलाई संसद देख्नै नहुने आरोप लगाउनु भएको छ ।
गठबन्धनको संयुक्त चुनावी सभामा बोल्दै केसीले प्रतिनिधिसभा बिघटन प्रतिगमनको सुरुवातको बिन्दु भएको उल्लेख गर्दे सबिधान जोगाउन राष्ट्रिय जनमोर्चाले नै गठबन्धनको अबधारणा अघि सारेको बताउनु भयो ।
उहाँले पाँच दलीय गठबन्धन भन्दा प्रतिगमनकारी शक्ति बलियो भएको बताउनु भयो । उहाँले भन्नुभयो ‘गठबन्धनभन्दा बलियो छ प्रतिगमन । नेपालमा प्रतिगमन एक्लै छैन । प्रतिगमनले गणतन्त्र र संसद सिध्याउन खोज्दा जनताले पाएको दुःख बिर्सनुहुँदैन । हामीबीच इमानदार सहकार्य हुनुपर्छ ।’
तस्बिर -रत्न श्रेष्ठ, रासस
