एजेन्सी । आज राति इन्डियन प्रिमियर लिग (आईपीएल) २०२२ को २० औं खेल अन्तर्गत राजस्थान रोयल्स र लखनउ सुपर जायन्ट्सले प्रतिस्पर्धा गर्दैछन् । खेल मुम्बईको वानखेडे मैदानमा नेपाली समयानुसार ७ः४५ बजे सुरु हुनेछ ।
दुवै टोलीले सिजनको सुरुवातमा राम्रो नतिजा निकालेका छन् । दुवै टोलीले अहिलेसम्म एक खेलमा मात्रै हार बेहोरेका छन् । अब दुवै टोली यो खेल जितेर अंक तालिकामा आफ्नो स्थान बलियो बनाउन चाहन्छन् । यो खेलमा राजस्थान र लखनउको टोलीमा परिवर्तन हुन सक्नेछ । लखनउबाट मार्कस स्टोइनिसलाई आजको खेलमा देख्न सकिनेछ ।
लखनउ पहिले नै धेरै बलियो थियो । पहिलो खेल हारेको यो टोलीले लगातार तीन खेल जितेको छ । अर्कोतर्फ, स्टोइनिसको आगमनले यो टोली थप बलियो बन्नेछ ।
लखनउका लागि कप्तान लोकेश राहुल र क्विन्टन डी ककले इनिङको सुरुवात गरेका थिए। दुवै ब्याट्सम्यान उत्कृष्ट लयमा छन् र आफ्नो टोलीलाई राम्रो प्रदर्शन दिइरहेका छन् । एभिन लुइस तेस्रो नम्बरमा खेल्छन् तर चेन्नईविरुद्धको खेलबाहेक अन्य कुनै पनि खेलमा उनले खासै राम्रो प्रदर्शन दिन सकेका छैनन् । यस्तो अवस्थामा उनको स्थानमा मार्कस स्टोइनिसलाई मौका दिने सम्भावना रहेको छ । यसबाहेक लखनउको टोलीमा अन्य कुनै परिवर्तनको सम्भावना छैन ।
लखनउका लागि चौथो नम्बरमा दीपक हुडा र पाँचौं नम्बरमा क्रुणाल पाण्डेयले पनि राम्रो ब्याटिङ गरिरहेका छन्। आयुष बडोनीले खेललाई राम्रोसँग फिनिश गरिरहेका छन्। बलिङमा आवेश खान र रवि बिश्नोईले विपक्षी ब्याट्सम्यानलाई कठिन तुल्लाईरहेका छन्।
अर्कोतर्फ, राजस्थान टोली यस प्रतियोगिताको सबैभन्दा सन्तुलित टोली हो यद्यपि, सञ्जु सामसनको टोलीसँग कुनै पनि राम्रो अलराउन्डर छैनन् । जेम्स नीशमलाई यो कमीलाई पार गर्ने मौका दिन सकिनेछ । यसबाहेक टोलीमा थप परिवर्तनको सम्भावना कम छ । जोस बटलर र यशस्वीले ओपनिङ गर्नेछन् । बटलर प्रतियोगितामा अहिलेसम्म सबैभन्दा धेरै रन बनाउने खेलाडी हुन्, तर यशस्वि कठिन अवस्थाबाट गुज्रिरहेका छन्। यद्यपि, मौका अझै पनि दिन सकिन्छ ।
मध्यक्रममा कप्तान सञ्जु सामसन, शिमरोन हेटमायर र देवदत्त पडिककलले राम्रो ब्याटिङ गरिरहेका छन्। बलिङमा अश्विन, चहल, बोल्ट र कृष्णाले उत्कृष्ट प्रदर्शन गरिरहेका छन् । तर, नवदीप सैनीको स्थानमा युवा फास्ट बलरलाई मौका दिन सकिनेछ ।
राजस्थानको सम्भावित – ११
जोस बटलर, यशस्वी जैसवाल, देवदत्त पडिककल, सञ्जु सैमसन (कप्तान) शिमरोन हेटमायर, रियान परागरजेम्स नीशम, रविचन्द्रन अश्विन, नवदीप सैनी, ट्रेन्ट बोल्ट, प्रणभव कृष्ण, युजवेन्द्र चहल ।
लखनउ सम्भावित – ११
केएल राहुल (कप्तान), क्विन्टन डी कक (विकेटकीपर), इभिन लुइसरमार्कस स्टोइनिस, दीपक हुडा, आयुष बडोनी, क्रुणाल पाण्ड्या, जेसन होल्डर, कृष्णप्पा गौतम, एन्ड्रयू टाई, रवि बिश्नोई, आवेश खान ।
