पोखरा । पूर्वयुवराज पारस शाहको पोखरास्थित निवासमा चोरी गरेको आरोपमा एक जना पक्राउ परेका छन् ।
लेकासाइडस्थित बुलउँदीमा शाहले भाडामा लिएको घरबाट सामान चोरेको आरोपमा प्रहरीले एक जनालाई नियन्त्रणमा लिएको हो ।
पक्राउ पर्नेमा शिव गौतम रहेका छन् । उनलाई काठमाडौंको मित्रनगरबाट पक्राउ गरिएको प्रहरीले जनाएको छ । पक्राउ गरिएका गौतम शाहको निवासका कामदार रहेको खुल्नमा आएको छ ।
शाहको निवासबाट क्यामरा, २ थान आइप्याड, २ थान दुरविन र नोकिया सेट चोरी भएको बताइएको छ । गौतमले पोखराबाट सामान चोरेर काठमाडौं ल्याएको खुलेको छ ।
चोरेको सामान गौतमले पूर्वयुवराजलाई फिर्ता गरेको प्रहरीले जनाएको छ ।
