काठमाडौ । नेकपा माओवादी केन्द्रले प्रदेश इञ्चार्ज तोकेको छ। सोमबार बसेको केन्द्रीय समिति बैठकले प्रदेश इञ्चार्ज तोकेको हो । प्रदेश १मा राम कार्की, मधेश प्रदेशमा गणेश शाह, बागमती प्रदेशमा हितमान शाक्य ,गण्डकी प्रदेशमा मा हितराज पाण्डे, लुम्बिनीप्रदेशमामा चक्रपाणि खनाल, कर्णाली प्रदेशमा कालीबहादुर मल्ल र सुदूरपश्चिम प्रदेशमा मा खगराज भट्टलाई इञ्चार्जको जिम्मेबारी दिईएको छ ।
यसै गरी सम्पर्क समन्वय प्रदेशमा डिलाराम आचार्य र उपत्यका विशेष समन्वय प्रदेशको जिम्मेवारी लिलामणि पोखरेललाई दिईएको छ । माओवादी केन्द्रले महत्वपूर्ण विषयहरु थाँती राख्दै स्थानीय तहको निर्वाचनपछि मात्र निर्णय गरेको हो ।
बैठकका लागि तय गरिएका ६ ओटा प्रस्तावमध्ये केही कार्यविभाजन मात्र तोकिएर बैठक सकिएको छ । पार्टीको पदाधिकारी चयन, एमसीसीका सन्दर्भमा नेतृत्वले लिएको निर्णय लगायतका विषयमा विवाद बढ्ने लक्षण देखिएपछि बैठक अत्य गरिएको एक नेताले जानकारी दिनुभयो ।
