सरकारले चालु आर्थिक वर्षको मध्यसम्ममा सवारीसाधनमा लगाउँदै आएको भन्सार महसुल आधा कटौती गर्नुपर्ने भएको छ । विश्व व्यापार संगठन ९डब्लुटीओ० को सदस्यताका क्रममा गरिएको प्रतिबद्धता अनुसार महसुल ४० प्रतिशतमा झार्नुपर्ने आजको कान्तिपुरमा खबर छ ।
अहिले सवारीसाधनमा ८० प्रतिशत भन्सार महसुल लाग्छ । अर्थ मन्त्रालय स्रोतका अनुसार सन् २०१३ भित्र महसुल घटाउनुपर्ने प्रतिवद्धता हो । ‘८० पछिको अर्को दरबन्दी ४० भएकाले सिधै त्यसैमा ल्याउनुपर्छ,’ स्रोतले भन्यो ।
अर्थ मन्त्रालयले तयार पारेको राजस्वसम्बन्धी एक प्रतिवेदनअनुसार यसरी भन्सार दरबन्दी घटाउँदा १ अर्ब रुपैयाँ राजस्व गुम्नेछ । पेट्रोलियम पदार्थपछि, सबैभन्दा धेरै भन्सार राजस्व सवारीसाधनबाट उठ्छ ।
यसरी राजस्वमा धक्का पुग्ने भएपछि सरकार भन्सार महसुल हटाए पनि अन्य शुल्कबाट त्यसको क्षतिपूर्ति गर्ने तयारीमा जुटेको छ । डब्लुटिओको प्रतिवद्धता पुरा गर्दा पर्ने घाटा पूरा गर्न संसार भरिनै त्यति नै बराबरको अन्तःशुल्क लगाउने प्रचलन छ । अन्तःशुल्क बढाउने तयारी भइरहेको अर्थ स्रोतले बतायो ।
