उदयपुर । सौर्य सिमेन्ट उद्योगको खानीमा रोकेर राखेको ट्यांकर र स्काभेटर आगोलागि भएको छ । गएराति आगलागी हुँदा ट्यांकरको तेल र २ स्काभेटर जलेर पुर्ण रुपमा क्षति भएको हो ।
कटारी नगरपालिका ८ गालटारस्थित सिमेन्टको चुनढुंगा खानीमा रोकेर राखेको ना१ क ८९७७ नं. को डिजेलसहितको ट्यांकरमा ट्यांकरमा रहेको ६ हजार लिटर डिजेल, नजिकै रहेका २ वटा ड्रमको ४ सय ६० लिटर डिजेल र आसपासमै रहेका २ वटा कोमात्सु कम्पनीका स्काभेटर समेत जलेर पूर्णरुपमा नष्ट भएको हो प्रहरीले जनाएको छ ।
उक्त आगलागीबाट ३ करोड बराबरको क्षति भएको प्रहरी मुचुल्का तयार भएको छ। आगो के कारण लाग्यो भन्ने विषय खुल्न नसकेको प्रहरीले बताएको छ ।
