काठमाडौं । प्रहरीले बाँकेको कोहलपुर–९ बाट ३० किलो चरेससहित तीन जनालाई पक्राउ गरेको छ ।
पक्राउ पर्नेमा सल्यानको बनगाड कुपिन्डे नगरपालिका–८ का कालिमान बुढा, सुर्खेत गुर्भाकोट नगरपालिका–१ का बुद्धबहादुर रजाली र रुकुम पश्चिमको मुसिकोट नगरपालिका–६ का बलबहादुर बुढा रहेका छन् ।
उनीहरुलाई इलाका प्रहरी कार्यालय, कोहलपुर र प्रदेश प्रहरी कार्यालय प्रदेश नंं ५ को टोलीले मंगलबार राति पक्राउ गरेको प्रहरी जनाएको छ ।
