काठमाडौं । सरकारले संघ,प्रदेश र स्थानीय तहमा खटेर जाने कर्मचारी समायोजनको आवेदन खुल्ला गरेपछि ५९ हजार ७ सय ९८ जना कर्मचारीहरुले समायोजनमा जान इच्छुक रहेको देखाएका छन् । यसमा निजामती कर्मचारीको संख्या मात्र ५८ हजार रहेको मन्त्रालयले, बताएको छ ।
संघीय मामिला तथा सामान्य प्रशासन मन्त्रालयले देशभरका १ लाख ३८ हजार १७८ कर्मचारी मध्य संघमा ४७ हजार ९२०, प्रदेशमा २२ हजार ७५५ र स्थानीय तहमा ६७ हजार ५०३ कर्मचारी समायोजन गर्न लागेको हो ।
सरकारले २१ दिने म्याद राखेर गत पुस १३ गतेदेखि देखि माग १ गते अर्थात आज अन्तिम दिन बुधबार समायोजन फारम भर्ने मिति तोकेको थियो । अबको एक हप्तापछि समायोजन फारम भरेका कर्मचारीहरु मध्य माथिल्लो तहका कर्मचारीबाट समायोजन सुरु गर्ने जनाएको छ ।
मन्त्रालयका अनुसार माघ १ गते साढे १० बजे सम्म ५९ हजार ७ सय ९८ कर्मचारीहरुले फारम बुझाएका थिए र थप १४ हजार जना सिस्टममा इङ्गेज देखिएको छ । यो सबै हेर्दा ७३ हजार ४१ कर्मचारी समायोजनमा आएका छन् । सिस्टममा इङ्गेज भएकाहरुले लगइन गरेर आफ्नो विवरण भरिरहेको हुनसक्ने मन्त्रालयको अनुमान छ ।
७३ हजार कर्मचारी समायोजनमा आउनु भनेको करिब ८८ प्रतिशतले समायोजन रोजेको भएका कारण अब समायोजन फारम भर्न बाकी रहेका कर्मचारीहरुको आवेदन नलिईने मन्त्रालयले जनाएको छ ।
