एजेन्सी । फ्रेन्च लिग वानमा पेरिस सेन्ट जर्मन (पीएसजी)ले बोर्डेक्सलाई १–० गोल अन्तरले पराजित गरेको छ ।
घरेलु मैदानमा पीएसजीको कठिन जितमा एडिन्सन काभानीले गोल गरे । काभानीले ४२औं मिनेटमा गरेको गोल निर्णायक बनेको थियो । यद्यपी काभानी दोस्रो हाफमा तिघ्राको चोट बोल्दै मैदानबाट बाहिरिए ।
पीएसजीले काभानीको स्थानमा आराम दिईएका केलियन एमबाप्पेलाई उतारेको थियो । शनिबारनै अर्का खेलाडी थोमस मुनिएर पनि टाउकोमा चोट लागेर बाहिरिएका थिए ।
यसअघिको खेलमा चोटकै कारण नेमारलाई गुमाएको पीएसजीलाई आगामी खेल थप कठिन हुने देखिएको छ । पीएसजीले च्याम्पियन्स लिगमा मंगलबार म्यानचेस्टर युनाइटेडसँग खेल्दैछ ।
बोर्डेक्ससँगको जितसँगै पीएसजीले २२ खेलबाट ५९ अंक बनाएको छ । २८ अंक बनाएको बोर्डेक्स १३औं स्थानमा छ ।
