ताप्लेजुङ । हेलिकप्टर दुर्घटनामा मृत्यु भएका मन्त्री रवीन्द्र अधिकारीसहित ७ जनाको शव काठमाडौँ पठाइएको छ । बाक्लो हिमपातका बाबजुद सबैको शव काठमाडौँ पठाइएको हो ।
बुधबार दिउँसैदेखि पानी परेर मौसम खराब भएपछि शव ल्याउन नसक्दा बिहीबार बिहान मात्रै घटनास्थलबाट सुकेटार विमानस्थलमा शव ल्याइएको थियो।
शव काठमाडौँको त्रिभुवन अन्तर्राष्ट्रिय विमानस्थलमा ल्याएपछि पोस्टमार्टमको लागि शिक्षण अस्पताल महाराजञ्ज लगिने छ। त्यसपछि पर्यटनमन्त्री रवीन्द्र अधिकारीसहित यती एयरलाइन्सका अध्यक्ष आङ छिरिङ शेर्पा, स्वकीय सचिव युवराज दाहाल, विरेन्द्र प्रसाद श्रेष्ठ, अर्जुन घिमिरे र नागरीक उड्यन प्राधिकरणका निर्देशक घुर्व भोछिभोयाको शव श्रद्धाञ्जलीको लागि टुँडिखेलमा राखिने बताइएको छ।
मन्त्री अधिकारीको शव भने गृहजिल्ला कास्की लगिने छ।
