काठमाडौँ । जागिरबाट निकालिएको भन्दै भारतको पटियाला शहरको राजिन्दरा अस्पतालको छैटौं तल्लाबाट दुई जना नर्सले हाम फालेका छन् । हाम फाल्ने नर्स पछिल्लो २३ दिनदेखि प्रदर्शन अस्पताल एरियामा प्रर्दशन गरिरहेका थिए ।
भारतीय मिडियाका अनुसार हाम फाल्ने कर्मजीत कौर औलख र बलजीत कौर खालसा भएको बताएका छन् । उनिहरुले प्रशासनका अधिकारीलगायत पुलिस जवानको सामुन्ने लगभग सात सयको उपस्थिती भएको बेलामा हाम फालेका हुन् । दुबैको स्थिती चिन्ताजनक भएको भारतीय प्रहरीले जनाएको छ ।
। स्वास्थ्य मन्त्री ब्रह्म मोहिन्दरादेखि पुलिस र प्रशासनले नर्सले हाम फाल्ने संकेत पाएपनि उनीहरुलाई रोक्न कुनै पनि प्रयास नगरिएको आरोप लागेको छ ।
प्रत्यक्षदर्शीका अनुसार उनीहरुलाई बचाउनका लागि एउटा माछा समात्ने जाली र दुई इन्च मोटो कार्पेट बिछ्याइएको थियो । कर्मजीतले एक हप्ता अघि एउटा भिडियो पोष्ट गर्दै उनले बिहिबार चन्दीगढमा हुने छलफलमा नियुक्तिपत्र नदिए आफू अर्की नर्स साथीसँगै हाम फालेर आत्महत्या गर्ने चेतावनी दिएकी थिइन् ।
