काठमाडौँ । नेपाल बैङ्क लिमिटेड, श्रीपुर शाखा वीरगंजबाट कृषि ऋण मिलाइदिने बहाना बनाई सेवाग्राहीसँग घुस रकम लिने एक जनाविरुद्ध आरोप पत्र पेश गरिएको छ । अख्तियार दुरुपयोग अनुसन्धान आयोग, हेटौंडाबाट खटिई गएको टोलीले जिल्ला पर्सा, छिपहरमाई गाउँपालिका वडा नं–४, तुल्सीवरवा स्थित नेपाल राष्ट्रिय प्राथमिक विद्यालयका प्रधानाध्यापक प्रभु गिरीलाई बाह्र हजार घुस रकमसहित पक्राउ गरिएको थियो ।
गिरीविरुद्ध अनुसन्धान हुँदा श्री रेडक्रस प्राथमिक विद्यालय मुडली फूलवरिया, पर्साका प्रधानाध्यापक अब्बास मियाले जिम्मेवारी र पदीय दायित्व समेतको ख्याल नगरी कृषि कर्जा लिनका लागि बैंकका कर्मचारीलाई मिलाउनु पर्छ भनी रकमको बार्गेनिङ्ग गरी सेवाग्राहीलाई घुस दिन बाध्य पारी पारेको आयोगले जनाएको छ ।
उनले पटक पटक गरि रू,४०,०००लिइसकेको र बाँकी रकमको सम्बन्धमा नेपाल राष्ट्रिय प्राथमिक विद्यालयका प्रधानाध्यापक प्रभु गिरी समेतको मिलेमतोमा गरेको पाइएको हो ।
