काठमाडौँ । सरकारले सामाजिक सञ्जालमा फेसबुक बन्द भन्ने गलत हल्ला चलाउने व्यक्तिलाई कारबाही गर्ने प्रक्रिया अघि बढाएको छ । शनिबार सामाजिक सञ्जालमा सूचना तथा सञ्चार मन्त्रालयको गलत नाम लेखी सरकारको निशाना छापको समेत नक्कली प्रयोग गरी यस्तो भ्रम फैलाईएको थियो ।
मन्त्रालयले सोमबार जारी गरेको विज्ञप्तीमा सामाजिक संजाल पूर्ण रुपमा बन्द भन्ने हल्ला फैलाएको र उक्त पोष्टमा नकारात्मक टिप्पणी भएको प्रति मन्त्रालयको गम्भिर ध्यानकर्षण भएको उलख्ले गरिएको छ ।
सञ्चार मन्त्रालयका प्रवक्ता ऋषिराम तिवारीले जारी गरेको विज्ञप्तीमा सरकारले त्यो अफवाह फैलाउनेलाई कारबाहीको प्रक्रिया सुरु गरिसकेको समेत जनाएको छ । यस्तो अफवाह पोष्ट गर्ने सबैलाई फेसबुकबाट त्यो सूचना हटाउनको लागि आग्रह गरिसकिएको मन्त्रालयले जनाएको छ।
