काठमाडौँ । जिल्ला प्रशासन कार्यालय भक्तपुरका प्रशासकीय अधिकृतमाथि अख्तियार दुरुपयोग अनुसन्धान आयोगले आरोप पत्र दायर गरेको छ । लेनदेन सम्बन्धी उजुरी मिलाइदिने बहाना घुस लिएको भन्दै अधिकृत कैलाश मातछे श्रेष्ठविरुद्ध आज आयोगले आरोप पत्र दायर गरेको हो ।
श्रेष्ठलाई सेवाग्राहीसँग रू २५,००० घुस लिएको उजुरीमा आयोगको टङ्गालबाट खटिई गएको टोलीले पक्राउ गरेको थियो । श्रेष्ठविरुद्ध भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को देहाय (क) बमोजिम जरिवाना र कैद सजाय हुन मागदाबी लिई विशेष अदालत काठमाडौँमा आरोप पत्र दायर गरिएको हो ।
