काठमाडौं । भारतीय क्षेत्रमा पर्ने मरुभूमिबाट आएको धुलोले नेपालको वातावरणमा प्रतिकुल असर पारेको छ ।
राजस्थानबाट आएको धुलोका कारण मौसम पूर्ण रुपमा खुल्न नसकेको मौसमविद् विभूति पोख्रेलले जानकारी दिए । यसकै प्रभावले बुधबार पश्चिम तराईको एकदुई ठाउँमा धुलोसहितको हावा चल्ने सम्भावना रहेको उनले बताए ।
केही दिन पानी पर्ने सम्भावना नरहेको कारण बुधबार र बिहीबार मौसमको अवस्था उस्तै रहने छ । बुधबार मुलुकको प्राय सबै ठाउँमा मौसम सफा भएपनि पूर्वी पहाडी क्षैत्रमा भने मेघ गर्जनसहित पानी पर्ने मौसम पूर्वानुमान महाशाखाले जनाएको छ ।
यद्यपी शुक्रबार साँझ तिर भने पश्चिमी वायुको प्रभाव नेपालको पश्चिमी भागमा प्रवेश गरेर पानी पर्ने सम्भावना रहेकाले त्यसपछि मात्रै मौसममा सुधार हुने उनले बताए ।