काठमाडौं । गैरकानुनी हिरासतभित्र दलित बालकको रहस्यमय मृत्युपछि विवादमा आएका इलाका प्रहरी कार्यालय बिर्तामोड झापाका डीएसपी सुवास खड्का कारबाहीमा परेका छन् ।
छानबिनका लागि भन्दै उनलाई प्रदेश १ प्रहरी कार्यालय विराटनगर तानिएकोछ ।
नाबालक मृत्युको विषय प्रहरी र राजनीतिक दलले सामसुम पार्न खोजेपनि खड्का अर्को विवादमा परेपछि कारबाहीमा परेका हुन् ।
खड्काको कार्यकक्षमा एक जना युवाले फोटो खिचेर सामाजिक सञ्चालमा पोस्ट गरे । टेबुलमा रहेको नेमप्लेटमा खड्काको नाम छ । तर, कुर्सीमा बसेर दमक घर बताउने ३० वर्षीय हर्कराज गुरुङले तस्बिर खिचेका छन् । गुरुङले सो तस्बिर पोस्ट गरेपछि खड्का कारबाहीमा परेका हुन् । खड्काले विवादित उनलाई संरक्षण गर्दै आएको नयाँ पत्रिका दैनिकमा खबर प्रकाशित छ ।
यसैबीच आफन्तलाई भर्ती केन्द्र बनाइएको खुलासा भएको त्रिवि सेवा आयोगमा अख्तियार दुरुपयोग अनुसन्धान आयोगले छापा मारेको छ । अख्तियारले सेवा आयोगका कर्मचारी भर्नासम्बन्धी कागजपत्र नियन्त्रणमा लिएको छ ।
