सिन्धुली । सिन्धुलीमा माटो खन्ने क्रममा ढिस्कोले पुरिएर एकजनाको मृत्यु भएको छ । अरु तीनजना घाइते छन् ।
सुनकोसी गाउँपालिका–६ आमपानी खोल्सीमा ढिस्कोले पुरिएर आमपानी टोल बस्ने २४ वर्षीया शर्मीला रम्तेलको मृत्यु भएको हो । घटनामा सोही ठाउँ बस्ने ३५ वर्षीया विमला रम्तेल, ५० वर्षीया सुकमाया रम्तेल र १८ वर्षीय बलराम रम्तेल घाइते भएको जिल्ला प्रहरी कार्यालय सिन्धुलीका प्रहरी प्रवक्ता लोकदर्शन थापाले जाकारी दिए ।
घाइतेमध्ये विमला रम्तेलको अवस्था गम्भीर रहेको प्रवक्ता थापाले जानकारी दिए । अन्यको अवस्था सामान्य रहेको बताइएको छ ।
