काठमाडौं । नेपाली कांग्रेसको नेयाँ नेतृत्व चयनका लागि भएको मतदान सम्पन्न भएको छ भने अहिले मतगणजना जारी रहेको छ ।
सभापतिमा पहिलो १०० मत गन्दा शेरबहादुर देउवाको ५० मत आएको छ । यस्तै डा. शेखर कोइरालाले ३५ मत ल्याउँदा विमलेन्द्र निधिले ११ मत ल्याएका छन् । प्रकाशमान सिंहले ३ मत प्राप्त गर्दा कल्याण गुरुङले १ मत पाएका छन् ।
महाधिवेशनस्थल राष्ट्रिय सभागृहमा विहान ४ः२० बजेदेखि मतगणना सुरु भएको पार्टीको केन्द्रीय निर्वाचन समितिले जनाएको छ ।
समितिका अनुसार मतगणना पूरा गर्न करिब तीनदेखि चार घण्टा समय लाग्नेछ ।
