लण्डन । बेलायती प्रधानमन्त्री बोरिस जोनसनले कोरोना भाइरसको नयाँ संस्करण ओमिक्रोनबाट बेलायतमा एक जनाको मृत्यु भएको पुष्टि गर्नुभएको छ । पश्चिम लण्डन नजिकैको प्याडिङ्टनस्थित खोप क्लिनिकको भ्रमणका क्रममा सोमबार उहाँले भन्नुभयो, ‘ओमिक्रोनले अस्पतालमा भर्ना हुनेको सङ्ख्या बढिरहेको छ, दुःखको कुरा एक बिरामीको ओमिक्रोनबाट मृत्यु भएको छ ।’
‘त्यसैले मलाई लाग्छ कि यो कुनै न कुनै रुपमा भाइरसको हलका संस्करण हो, यो हामीले एकातिर सेट गर्नुपर्ने आवश्यकता छ कि यो मानिसहरुको आबादीको माध्यमले तीव्र भइरहेको छ र त्यो तीव्र गतिलाई पहिचान गर्नुपर्ने छ । त्यसैले हामीले गर्नसक्ने सबैभन्दा राम्रो कुरा भनेको हाम्रा बुस्टरहरु प्राप्त गर्नु हो ।’
यसअघि सोमबार बिहान स्वास्थमन्त्री साजिद जाविदले इङ्गल्याण्डका अस्पतालमा ओमिक्रोन सङ्क्रमित करिब १० व्यक्ति भएको बताउनुभएको थियो । उहाँले भन्नुभयो, ‘सङ्क्रमण र त्यसपछि अस्पतालमा भर्ना हुनु र त्यसपछि, दुःखको कुरा, मृत्युको बीचमा सधैँ ढिलाइ हुन्छ।
‘बेलायतमा ओमिक्रोनबाट पहिलो मृत्युको भयानक समाचारले अवस्थाको गम्भीरतालाई रेखाङ्कित गर्दछ, मेरो समवेदना उनको परिवार र साथीहरुलाई छ’, छाया स्वास्थ्यमन्त्री वेस स्ट्रिटिङले भन्नुभयो, ‘त्यसैले बुस्टर रोलआउट यति महत्त्वपूर्ण छ र यसको फैलावट कम गर्न सार्वजनिक स्वास्थ्य उपायहरू आवश्यक छ।’