राजविराज । सप्तरीको अग्नीसाइर कृष्णसवरण गाउँपालिका-१ जण्डौलमा सोमबार राति भएको दुर्घटनामा पूर्व प्रधानपञ्च मोतीलाल चौधरीको मृत्यु भएको छ।
पश्चिमबाट पूर्वतर्फ जाँदै गरेको को.३४प ८३३७ नम्बरको मोटरसाइकलको ठक्करले साविक जण्डौल गाविसका पूर्व प्रधानपञ्च ७२ वर्षीय मोतीलाल चौधरीको मृत्यु भएको हो ।
पूर्वप्रधानपञ्च चौधरी महुली बजारको हटियाबाट साइकलमा गाउँ फर्कदै थिए। चौधरीको शवको मंगलबार राजविराजस्थित गजेन्द्रनारायण सिंह अस्पतालमा पोष्टमार्टम गरिएको छ।
