काठमाडौं । बांग्लादेशको राजधानी ढाकास्थित एउटा बस्तीमा भीषण आगालागी हुँदा ५० हजार मानिस घरबारविहीन भएका छन्।
चलानटीकास्थित झुपडी–वस्तीमा शुक्रवार राती लागेको आगोमा करिब १५ हजार घर सखाप भएका छन्।
प्लाष्टिकका छत भएका घर बढि भएका कारण आगो नियन्त्रणमा लिन झनै गाह्रो भएको बताइएको छ । यो घटनामा कैयौँ मानिस घाइते भएका छन् तर कसैको मृत्यु भएको खबर भने नआएको त्यहाँका सञ्चार माध्यमले जनाएका छन् । आगो नियन्त्रणमा लिन दमकललगायतका यन्त्रसहित अग्नी सुरक्षाकर्मीलाई ६ घण्टाभन्दा बढि लागेको बताइएको छ ।
घटनामा कसैको मृत्यु भएको छैन तर थुप्रै मानिसहरू घाइते भएका छन्।त्यहाँ बस्ने अधिकांश मानिसहरू न्यून आय भएकाहरू छन्।
सरकारले घरबार विहीन भएका हजारौँ मानिसलाई राहत दिइने घोषणा गरेको छ।फेब्रुअरी महिनामा ढाकास्थित एउटा ऐतिहासिक जिल्लामा भएको आगलागीमा करिब ८० जनाको मृत्यु भएको थियो।त्यस्तै तटीय सहर चिट्टगाउँको एउटा बस्तीमा भएको आगलागीको अर्को घटनामा नौजनाको ज्यान गएको थियो।
